കഴിച്ചുകൊണ്ടിരുന്ന ഐസ്ക്രീമില്‍ നിന്ന് ഏഴ് വയസുകാരന് പല്ലിയെ കിട്ടിയ സംഭവത്തില്‍ നടപടിയുമായി അധികൃതർ. പഞ്ചാബിലുള്ള ലുധിയാനയിലുള്ള സുന്ദർ നഗറിലാണ് സംഭവം നടന്നത്. ഗ്രാമത്തില്‍ കൊണ്ടുവന്ന് ഐസ്ക്രീം വിറ്റ ഒരാളുടെ കൈയില്‍ നിന്നാണ് ഏഴ് വയസുകാരൻ 20 രൂപ കൊടുത്ത് രണ്ട് ഐസ്ക്രീം ചോക്കോബാർ കുള്‍ഫി വാങ്ങിയത്. മില്‍ക്ക് ബെല്‍ എന്നാണ് ഇതില്‍ ബ്രാൻഡിന്റെ പേരായി രേഖപ്പെടുത്തിയിരുന്നത്.
വീട്ടില്‍ വെച്ച്‌ ഐസ്ക്രീം കഴിക്കുമ്ബോള്‍ ഏഴ് വയസുകാരൻ അതിനകത്ത് പല്ലിയെ കണ്ടതിനെ തുടർന്ന് അമ്മൂമ്മയോട് വിവരം പറഞ്ഞു. അമ്മൂമ്മ അയല്‍ക്കാരെയും മറ്റ് നാട്ടുകാരെയുമൊക്കെ അറിയിച്ചു. പിന്നീട് നാട്ടുകാർ ചേർന്ന് ഐസ്ക്രീം വില്‍പനക്കാരനെ തടഞ്ഞുവെച്ച്‌ വില്‍പ്പന നിർത്താൻ ആവശ്യപ്പെട്ടു.എന്നാല്‍ ഐസ്ക്രീം താൻ ഉണ്ടാക്കിയതല്ലെന്നും ഫാക്ടറില്‍ നിന്ന് എടുത്തുകൊണ്ടു വന്ന് വില്‍ക്കുക മാത്രമാണ് താൻ ചെയ്തതെന്നും ഇയാള്‍ അവകാശപ്പെട്ടു.
ഇയാള്‍ പിന്നെയും പ്രദേശത്ത് ഐസ്ക്രീം വില്‍പന തുടർന്നതോടെ നാട്ടുകാർ പ്രശ്നമുണ്ടാക്കി. വില്‍ക്കാൻ അനുവദിക്കില്ലെന്ന് അറിയിച്ച്‌ ഇയാളെ പറഞ്ഞയക്കുകയും ചെയ്തു. കുട്ടിയുടെ ആരോഗ്യനിലയില്‍ ആശങ്ക തോന്നിയ വീട്ടുകാർ ഉടനെ അടുത്തുള്ള സ്വകാര്യ ആശുപത്രിയില്‍ എത്തിച്ചു. കുട്ടിയ്ക്ക് കാര്യമായ ആരോഗ്യ പ്രശ്നങ്ങളൊന്നും ഇല്ലെന്നാണ് റിപ്പോർട്ടുകള്‍.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?