ഓണാഘോഷം ഗംഭീരമാക്കാൻ പൽപക് "പാലക്കാടൻ മേള 2025" പോസ്റ്റർ പ്രകാശനം ചെയ്തു.

  • 27/07/2025



പാലക്കാട് പ്രവാസി അസോസിയേഷൻ ഓഫ് കുവൈറ്റ് (പൽപക്) ഓണാഘോഷത്തിന്റെ ഭാഗമായി പുതുമയാർന്ന പരിപാടികൾ ഒരുക്കി "പാലക്കാടൻ മേള 2025" എന്നപേരിൽ നടത്തപെടും. പരിപാടിയുടെ 
പോസ്റ്റർ പ്രകാശനം ജൂലൈ 25 വെള്ളിയാഴ്ച കാലത്ത് 10 മണിക്ക് ദജീജിലുള്ള മെട്രോ കോർപ്പറേറ്റ് ഓഫീസ് ഓഡിറ്റോറിയത്തിൽ വച്ച് സംഘടിപ്പിച്ചു. പൽപക് പ്രസിഡണ്ട് രാജേഷ് പരിയാരത്ത് അധ്യക്ഷത വഹിച്ച ചടങ്ങിൽ പരിപാടിയുടെ മുഖ്യ സ്പോൺസർ മെട്രോ മെഡിക്കൽ ഗ്രൂപ് പ്രതിനിധിയും സംബന്ധിച്ചു. 
പാലക്കാടൻ മേളയുടെ പോസ്റ്റർ പ്രകാശനം കൺവീനർ ശിവദാസ് വാഴയിൽ, ജോയിന്റ് കൺവീനർ പ്രേംരാജ്, സുവനീർ കൺവീനർ ജയൻ നമ്പ്യാർ എന്നിവർ ചേർന്ന് മെട്രോ ഗ്രൂപ് മാർക്കറ്റിങ് വിഭാഗം മേധാവി ബഷീർ ബാത്തക്ക് നൽകി നിർവഹിച്ചു. 

ഒക്ടോബർ 3, 2025 വെള്ളിയാഴ്ച അബ്ബാസിയ ആസ്പെയർ സ്‌കൂളിൽ വച്ച് നടത്തപെടുന്ന ഓണാഘോഷപരിപാടിയിൽ പ്രശസ്‌തനായ ഐ.എ.എസ്‌ ഓഫീസറും കേരളത്തിൻ്റെ നിലവിലെ പ്രിൻസിപ്പൽ സെക്രട്ടറിയുമായ ഡോ. രാജുനാരായണ സ്വാമി പങ്കെടുത്ത് സാംസ്കാരിക സമ്മേളനം ഉത്ഘാടനം ചെയ്യും. കലോത്സവ വേദികളിൽ രുചിയുടെ ലോകം തീർത്ത കേരളക്കരക്ക് സുപരിചിതമായ പഴയിടത്തിൻ്റെ ഓണസദ്യയാണ് ഇത്തവണ യദു പഴയിടത്തിന്റ്റെ നേതൃത്വത്തിൽ ഒരുക്കി തീർക്കുക.

കൂടാതെ ദൃശ്യവിസ്മയങ്ങൾ ഒരുക്കാൻ ഐഡിയ സ്റ്റാർസിംഗർ പരിപാടിയിലൂടെ പ്രശസ്തനായ ഗായകൻ പ്രശോഭ് & ടീമിന്റെ നേതൃത്വത്തിൽ ശ്രീരാഗം ബാൻഡ് അണിയിച്ചൊരുക്കുന്ന സംഗീത സായാഹ്നം അരങ്ങേറും. 

ജനറൽ സെക്രട്ടറി (ആക്ടിങ്) സി.പി ബിജു, രക്ഷാധികാരി പി. എൻ കുമാർ, ട്രെഷറർ മനോജ് പരിയാനി, മറ്റു കേന്ദ്രകമ്മിറ്റി, ഏരിയ കമ്മിറ്റി ഭാരവാഹികൾ പോസ്റ്റർ പ്രകാശന ചടങ്ങിൽ സംബന്ധിച്ചു. പ്രവേശനം തികച്ചും സൗജന്യമായ ഈ പരിപാടിക്ക് കുവൈറ്റിലെ മലയാളി പ്രവാസി സമൂഹത്തിലെ എല്ലാ ആളുകളുടെയും സഹകരണം ഉണ്ടാവണമെന്ന് പ്രസിഡന്റ് രാജേഷ് പരിയാരത്ത് അഭ്യർത്ഥിച്ചു.

Related News

ബ്ലഡ് ഡോണേഴ്സ് കേരള – കുവൈറ്റ് ചാപ്റ്റർ രക്തദാന ക്യാമ്പ് സംഘ ...
  • 29/07/2025
കെ. കെ. എം. എ.കോളീജിയം - 2025
  • 28/07/2025
ജില്ലാ സമ്മേളന തിയ്യതി പ്രഖ്യാപനവും, സ്വാഗത സംഘ രൂപീകരണവും സ ...
  • 28/07/2025
ലൈബ്രറി - തൃശ്ശൂർ അസോസിയേഷൻ ഓഫ് കുവൈത്ത്
  • 27/07/2025
വേൾഡ് മലയാളി കൗൺസിൽ ഗ്ലോബലിന് പുതിയ ഭാരവാഹികൾ
  • 26/07/2025
കുവൈത്ത് കെഎംസിസി കൈപ്പമംഗലം നാട്ടിക മണ്ഡലങ്ങളുടെ സംയുക്ത സമ ...
  • 26/07/2025
കുവൈത്ത് കെഎംസിസി തൃക്കരിപ്പൂർ മണ്ഡലം പ്രവർത്തക കൺവെൻഷൻ പോസ് ...
  • 26/07/2025
കുവൈത്തിൽ ആലപ്പുഴ സ്വദേശിനി ഹൃദയാഘാതംമൂലം മരണപ്പെട്ടു
  • 26/07/2025
സുപ്രഭാതം വാർഷിക കാമ്പയിൻ’ കുവൈത്ത് തല ഉദ്ഘാടനം
  • 26/07/2025
വി എസിന് ആദരാഞ്ജലികൾ അർപ്പിച്ച് കല കുവൈറ്റ്
  • 26/07/2025
എം.കെ അബ്ദുൽ റസാഖിന് കുവൈത്ത് കെഎംസിസി യാത്രയയപ്പ്‌ നൽകി
  • 26/07/2025
ബ്ലഡ് ഡോണേഴ്സ് കേരള സ്ഥാപകനും പ്രസിഡന്റുമായിരുന്ന വിനോദ് ഭാസ ...
  • 21/07/2025